Hevserokê Giştî yê HDP'ê Sezaî Temellî li Cizîrê di civîna gel de axivî û got: "Ev civak li aştiyê digere. Rêya aştiyê li Îmraliyê ye. Werin em bi hev re tecrîdê rakin.”
Hevseroka Giştî ya HDP’ê Pervîn Buldan bal kişand ser tecrîdkirina Ocalan û got: “Ji bo krîz, alozî û serdema şer bi dawî bibe divê demildest tecrîda li Îmraliyê bê rakirin. Destpêkirina hevdîtina li gel Birêz Ocalan û diyaloga pê re ji bo siberoja Tirkiyeyê girîng e.”
Rojnameger û nivîskar Ali Bayramoglu, der barê îtîfaqa AKP-MHP'ê de anî ziman ku ev ji îtîfaqê wêdetir li dijî kurdan polîtikaya otorîteriyê ye. Bayramoglu, diyar kir ku sekna muxalefetê perçe perçe ye û wiha got: "Ger ku hêzên muxalefetê di hilbijartina herêmî de bibin yek û bi hevre kar bikin dê hevsengiya hemû siyasasetê bê guhertin û kurd dê dîsa vegerin herêma xwe.
“Konferansa Çareseriya Neteweya Demokratîk û Krîza Rojhilata Navîn” ku du rojan li Amedê pêk hat bi dawî bû. Siyasetmedaran piştî niqaşa 2 rojan encamnameya konferansê parve kirin. Di encamnameyê de diyar kirin ku ji bo li Rojhilata Navîn aştî û demokrasî pêş bikeve divê berî her tiştî şertên ku Ocalan azad xebatê bike bê avakirin û ji bo çareseriya pirsgireka kurd a mayinde Yekîtiya Neteweya Kurd teqez bê avakirin.
Parlamenterê HDP’ê yê Mêrsînê Ridvan Turan, çû serdana cotkarên ji ber bablîsuka rabû zirar dîtin.
Wekilê Serokê Kma HDP'ê û Parlamenterê Qersê Ayhan Bilgen, bal kişand ser siyasetmedarên li Qersê hatin binçavkirin û wiha got: "Sûcê siyasetmedarên hatin binçavkirin ewe ku malbatên ne li hev, li hev anîne. Dixwazin berî hilbijartinê bê tesîr bikin. Lê nikarin bi ser bikevin."
Parlementerê HDP'ê Îmam Taşçier, destnîşan kir ku hevdîtina wan a ji bi partiyên kurdan re tenê ne ji bo hilbijartinên herêmî ye û got: "Hevdîtin ji bo pêkanîna yekîtiya netewî girîng in. Heta yekîtiya netewî pêk neyê, dê kurd li Rojhilata Navîn nebin xwedî statu."
Parlamentera HDP’ê Ayşe Acar Başaran, diyar kir ku divê 8 kesên li Enqerê hatin binçavkirin bên berdan û got: “Em ê binkeftina desthilatdariyê, di 31’ê Adara 2019’an de, carek din nîşanî wan bidin.”
Hevseroka Giştî ya HDP’ê Pervîn Buldan di “Konferansa Çareseriya Neteweya Demokratîk û Krîza Rojhilata Navîn” de axivî û got: “Divê tecrîta li Îmraliyê bê rakirin û pêvajoyek nû bi Rêberê PKK’ê Abdullah Ocalan re dest pê kirin.”
Civaknas Azad Bariş, diyar kir ku nijadperestî û netewperestiyê ya li ser mirov û civakê wekî nexweşiya pençeşêrê ya di bedena mirov de ye û wiha got: "Di salên dawî de li Tirkiye nijadperestî zêde bûye. Birêz Ocalan li ser Nijadperestiyê berê jî gotîbû 'Nijadperestiyê herî kêm em sed sal şunde xistin' Felaketa li Rojhilata Navîn bi tevahi berhema nijadperestî û netewperestiyê ye."
Meclîsê, pêşniyar pirsa Parlamentera HDP’ê ya Amedê Dersim Dag a darbarê ciwanê bi navê Ç.M. ê hinek kesan xwe weke polîsan nîşan dan û revandin û operasyonên di 24’ê Hezîranê yên li dijî partiya HDP’ê dabû Meclîsê, qeyd nekir.
Meclîsa Ciwanên HDP’ê yên Wanê, ji bo tevlîbûna Kongreya Meclîsa Ciwanên HDP’ê ya di 25’ê Mijdarê de li Amedê bê lidarxistin, bang kir.
Parlementerê HDP'ê Huseyîn Kaçmaz, diyar kir ku armanceke tecrîdkirina Rêberê PKK'ê Abdullah Ocalan jî astengkirina pêkanîna yekîtiya netewî ye û got: "Tecrîd rê li ber yekîtiya netewî digire."
Parlamenterê HDP'ê yê Wanê Murat Sarısaç, di kongreya TUHAY-DER'ê de diyar kir ku ger gelê kurd tev bibe yek û destê xwe bide hev dikarin girtiyên siyasî azad bikin û xwe ji faşîzma heyî rizgar bikin.
Wekîlen Serokên Koma HDP'ê Ayhan Bilgen û Fatma Kurtulan, ji bo demokratîkbûn û pêşxistina azadiyan 3 pêşnûna-qanûn dan meclîsê.