Serokwekîlî Koma HDP’ê Sarûhan Olûç ji bo rakirina tecrîdkirina Ocalan bang li muxalefetê kir û got: “Gotina ‘Bila Ocalan bi parêzerên xwe re hevdîtinan bike, hiqûq pêk bê’ ji hêla ve gelek zor e?”
Berdevka Komîsyona Mafê Mirovan a HDP'ê Ayşe Acar Başaran, derbarê grevên birçîbûnê û rojiya mirinê yên dewam dikin de, banga "Dibe ku sibe pir dereng be" li hikumetê kir û got: "Êdî saet jî girîngin û em li gorî vê bang dikin."
Kongreya Demokratîk a Gelan (HDK), têkildarî biryara YSK'ê ya betalkirina hilbijartina Stenbolê, diyar kir ku YSK bûye amûra darbeyê ya îktîdarê û wiha got: "Heta ku şert û mercên azad ên hilbijartinê neyên avakirin, heta zextên li ser hilbijartinê û pariyên muxalif bi dawî nebin, mirov nikare qala hilbijartina demokratik û wekhev bike."
MYK'ê ya HDP'ê têkildarî 82'emîn salvegera Terteleya Dersîmê daxuyanî da û xwest lêborîn bê xwestin, komkujî bê qebûlkirin, navê “Tuncelî” biguherînin, cihên goran bên vekirin, zerar û ziyan bê tazmînkirin, aqûbeta “Keçikên winda" bê ronîkirin û arşîvên eskerî bên vekirin.
Mehmet Bekaroglu yê CHP'î diyar kir ku divê tecrîdkirina Ocalan rakin û wiha got: “Divê em zextan li dewletê bikin ku dewlet li gorî zagoınên xwe tev bigere.
Hevserokê Giştî yê HDP’ê Sezaî Temellî, ji bo 15 girtiyên dest bi rojiya mirinê kirin bang li hêzên demokratîk kir û got: “Divê em bikevin nava tevgerê. Êdî dema me tuneye ku em xemsar û ji nedîtîve tevbigerin. Desthilatdarî êdî nikare di şertên tecrîdê Tirkiyeyê 4 salan din bi rê ve bibe.”
Serokwekîla Koma HDP’ê Fatma Kûrtûlan, diyar kir ku rojiya mirinê, dê di demek kurt de êşên mezin bi xwe re bîne û got: “Divê Wezareta Dadê û Serokê Meclîsê çareseriyê bibînin û demildest tecrîdê rakin.”
HDP’ê bi boneya 104'emîn salvegera Komkujiya Ermenan a di 24'ê Nîsanê pêk hat de, daxuyaniyek weşand û got: "Em êş û şîna gelê Ermen di dilê xwe de hîs dikin."
Hevseroka Giştî ya HDP’ê Pervîn Buldan di rûniştina taybet a 23’yê Nîsanê ya Meclîsê de axivî û bal kişand ser grevên birçîbûnê. Buldan got, “Hevala me Leyla Guven ji bo ku neheqî bi dawî bibin, pêşiya demokrasî û aştiyê vebe, di greva birçîbûnê deye.”
Hevserokên Giştî yên HDP’ê Pervîn Bûldan û Sezaî Temellî, çûn serdana Serokê Giştî yê CHP’ê Kemal Kiliçdaroglû.
Hevserokê Giştî yê HDP'ê Sezaî Temellî, bertek nîşanî êrîşa polîsan ê li ser dayikên zarokên wan di greva birçîbûnê dene da û got: "Ez bang li kesên dinava kolanan de muameleya xerab li dayikan dikin dikim; ev tişta hûn dikin sûce, ji wê zêdetir rezîltiye."
Parlamenterê HDP'ê Hişyar Ozsoy, diyar kir ku hikûmeta Tirkiye ku geşedanên li Rojava wekî "pirsgirêka beka" dibîne bi fuzeyên S-400, dixwaze statuya Rojava asteng bike û vê yekê wekî amûr bikar tîne. Ozsoy, xwest li şûna vê yekê divê li gel Kurdan li Rojhilata Navîn bi hevre bixebitin û gavên nû bavêjin. Ozsoy, anî ziman ku gavên ewil ên vê reya aştiyê jî di Rêya Îmraliyê re derbas dibe û xwest tecrîdkirina Ocalan bi dawî bibe."
Hevserokê Giştî yê DBP'ê Mehmet Arslan, di civîna Hevserokên bajaran a DBP'ê de diyar kir ku divê êdî CHP li hemberî çalakiyên grevê bêdeng nemîne û wiha got: "Di vê pêvajoya ku gel hatin cem hev û piştgirî dan namzetan, ne ji ber ku polîtîkayên CHP’ê di ecibîne. Dixwazin Tirkiye asayî bibe. Dixwazin hêzek alternatif pêş bixin. Gelo CHP jî vê ji niha û şûnde li hemberî vê zilmê bêdeng nemîne?
Hevserokê HDP'ê yê Şirnexê Zekî Îrmez, bilêv kir ku bi bicihkirina leşker û polîsên li Şirnex û navçeyên wê encamên hilbijartinê hatine guhertin û ev yek berdewamiya polîtîkaya qeyûman e. Îrmez, destnîşan kir ku lê belê dîsa jî ew ê xwe rexne bikin û ji niha û pê ve tevî gel bi awayekî hîn xurtir tev bigerin.
Hevserokê Giştî yê HDP’ê Sezaî Temellî bal kişand ser grevên birçîbûnê û got grevên birçîbûnê ketine astek xetardar û bang li her kesî kir ku bikevin tevgerê.