ROJEVA 2’YÊ GULANA 2024’AN
- rojane
- 09:00 02
Di 1'ê Gulanê Cejna Karkeran de, 226 kes hatin binçavkirin.
Rêxistina DEM Partî ya Rihayê, ji bo Şaredarê Bêrecûkê Mehmet Begîtê ku ji partiya wan îstifa kir got "Wê her tim bi şermî di bîra bajêr de be" û banga îstifakirinê kir.
Li Çukurovayê bi boneya 1’ê Gulanê Cejna Karkerên Cîhanê karker daketin qadan û mafê xwe xwestin. Girseya gel li qadan got, “Tecrîd sûcê li dijî mirovahiyê ye” û daxwaza azadiya fîzîkî ya Rêberê PKK'ê Abdullah Ocalan kirin.
Emîne Şenyaşar çalakiya xwe ya li Wezareta Dadê di roja 90’î de berdeawm kir û daxwaza xwe ya edeletê careke din dubare kir.
Hevseroka Giştî ya DEM Partiyê Tulay Hatîmogûllari, li Şaredariya Bajarê Mezin a Wanê ya serdana wê kir, wiha got: “Em bi xebatên xizmetguzariyê ji bo bajarê xwe seferber bibin.”
Di encama êrişa polîsan a li dijî kesên dixwestin ber bi Taksîmê ve dimeşin de herî kêm 216 kes hatin binçavkirin.
Di 1’ê Gulanê Cejna Karkeran de, karkerên ku qalibê înşeatê ketiye ser jiyana xwe ji dest da.
1’ê Gulanê li Îzmîrê bi tevlibûna bi hezaran karker û kedkaran hate pîrozkirin. Di mitîngê de bal kişandin ser têkoşîna li dijî kedxwariyê û daxwaz hatin rêzkirin. Li Manîsa û Mûglayê jî kedkaran qad tije kirin.
Şandeya KNK’ê di serokatiya Ahmet Karamûs de ji bo hevdîtinan bi rayedaran û rêxistinên civakî yên sivîl li dar bixe çû DYA’yê.
Tevî êrişa dijwar a polîsan û dorpêçê jî bi hezaran kesên li Saraçhaneyê ji bo bimeşin Taksîmê li ber xwe dan. Polîsan gelek caran êrişî girseyê kir lê tevî vê jî girse heta demekî dirêj li qadê ma.
Hevserokê Giştî yê DEM Partiyê Tûncer Bakirhan ê tev li meşa 1’ê Gulanê ya li Saraçhaneyê bû wiha got: “Heta ku çîna karkeran ji vir neçe em jî dê ji vir neçin.”
Parêzer jî di nav de 20 kesên tê îdiakirin bi rêya têkiliya bi Edliyeya Amedê re hatiye avakirin re biryarên tehliye û beraetê dane derxistin û bi bedela vê pere wergirtin, hatin binçavkirin.
Hevserokê Giştî yê DEM Partiyê Tuncer Bakirhan ku ji bo bimeşe Taksîmê hate Saraçhaneyê, got ku ji bo têkoşîna kedkar, xizan û karkerên Tirkiyeyê li ser bingeheke hevpar bikin yek dê bixebitin.
Di 28'ê nîsanê de Tirkiye bi êrişa balefirên şer 2 kolber qetil kiribûn. Hat zanîn ku hêzên PDK rê nadin ku malbat cenazeyen xwe bigirin.