Li Amedê di çarçoveya Hefteya Mafên Mirovan de meş hat lidarxistin. Di meşê de beşdaran bal kişand ser Pêvajoya Aştî û Civaka Demokratîk û xewstin binpêkirinên mafan ên ji ber pirsgirêka Kurd tên kirin bên bidawîkirin.
Polîsan danê sibehê avêt ser ofîsa Buroya Hiqûqê ya Gel a Stenbolê. Parêzer Naîm Emînoglû hat binçavkirin.
Di bîranîna ku di 122'yemîn hefteya Komkujiya Garê de hat lidarxistin de, Serokê Komeleya Aştiyê ya 10'ê Cotmehê Îshak Kocabiyik diyar kir ku bersûcên firar ên di dozê de li Sûriyeyê ne û ji bo radestkirina wan tu hewldanek nehatiye kirin û got: "Em ê bi têkoşîna xwe ya edalet û aştiyê li hember şerxwaziya we bi ser bikevin."
Li gorî lêkolîna SAMER'ê, ji sedî 97.2'yê dengdêrên DEM Partiyê dixwazin ku Komîsyona Meclisê serdanên xwe yên bo Îmraliyê bidomîne. Ji sedî 87'ê heman koma dengdêran biryara CHP'ê ya neşandina endamekî/ê ji bo serdana Îmraliyê bi awayekî neyînî dîtin.
Akademîsyenê misrî Mphamed Refaat El-Emam diyar kir ku divê Abdullah Ocalan ji hêla fîzîkî ve azad bibe û got: “Dixwazim birêz Ocalan di şert û mercên azad de li Rihayê bibînim.”
Li Amedê ji danê sibehê ve mijeke zêde heye. Ji ber vê mesafeya dîtinê daketiye heya 10 metreyan. Ajovan û welatî ji ber vê zehmetiyê dikişînin.
DEDAŞ, bi hinceta "xerckirina êm" bi mîlyonan TL ceza li nêzîkî 600 mal û kargehên li gundê Heşêrî yê Qoserê birî. DEDAŞ'ê ku qîma xwe bi vê jî neanî, ceza li ocaxa tenduristiyê ya li gund jî birî.
Rêveberê Weqfa Mafên Mirovan a Tirkiyeyê (TÎHV) a Wanê Huseyin Yavîç bal kişand ser binpêkirinên mafên mirovan ên ku girtiyên nexweş bi wan re rû bi rû dimînin û got: "Rewşa girtiyên nexweş divê li benda ATK'ê neyê sekinandin. Nexweşxaneyên zanîngehê û nexweşxaneyên dewletê yên asta sêyemîn jî dikarin der barê rewşa tenduristiyê ya girtiyan de biryaran bidin."
Gelê Ermen ê li Bakur û Rojhilatê Sûriyeyê, piştî Şoreşa Jinan a Rojava mafên xwe yên siyasî û çandî bi dest xistin. Hevserokê Meclisa Ermenan Iyrvend Kesperiyan ku di vê pêvajoyê de kurekî xwe winda kir, got: “Êdî rêz ji bo me tê girtin. Heke em hatibin vê astê, ev bi xêra heval Apo ye. Me, xwe bi felsefeya wî nas kir.”
Rêberê Gelê Kurd Abdullah Ocalan di hevdîtinên bi Şandeya DEM Partiyê re, balê dikişîne ser bûyerên di salên dawiyê de di nav civakê de zêde bûne û bang li her kesî dike ku di vî warî de hesas tevbigere.
Hevberdevka Komîsyona Kedê ya DEM Partiyê Sevtap Akdagê li ser meşa "Nan û Aştî" ya ku DEM Partî dê ji çar baskan ve bide destpêkirin axivî û got: "Em ê li dijî polîtîkayên aboriyê yên ku xizaniyê mayînde dikin, ber bi Enqereyê ve bimeşin."
Ji Herêma Xweser a Baskê Parêzer Urko Aiartza Azurtza, bal kişand ser rola Abdullah Ocalan a di pêvajoyê de û got: "Divê bê zanîn ku Ocalan şexsiyetek diyarker e û ji bo rola xwe bilîze divê pêşiya wî bê vekirin, nexwe dê bandorek neyînî çêbike."
Bi pêşengiya Lijneya Rêveberiyên Herêmî ya Demokratîk û GABB'ê, rêveberên polîtîkayên jinan ên di nav şaredariyan de civînek ji bo parvekirina tecrûbeyên xwe yên du salan li dar xistin.
