‘Lêpirsîna ewlehiyê’ ku bi dengê parlamenterên muxalefetê hatibû redkirin weke Tezkereya Serokatiyê peşkêşî Lijneya Giştî ya Meclisê hat kirin.
Berdevak HDP’ê Ebrû Gunay diyar kir ku biryara AYM’ê ji qaydeyê wêdetir reda “esasî” ye û biryara nirxandinê ye û bi biryarê îdianameye hatiye pûçkirin.
Cîgirê Serokê Koma HDP’ê Sarûhan Olûç têkildarî doza girtina HDP’ê bang li AYM’ê kir û got: “Divê AYM nebe parçeyek amûra leyîstika îqtidarê. Îqtidar dixwaze bi rêya AYM’ê ji ber sedemên siyasî tola xwe ji me hilde.”
Hevseroka Giştî ya HDP'ê Pervîn Bûldan di komcivîna li Meclîsê de axivî û li dijî tecrîda giran a li ser Rêberê PKK'ê Abdullah Ocalan bang li CPT'yê kir. Bûldan li dijî hewldana girtina partiya xwe jî got: "Em ê ji rêya xwe paş ve gav neavêjin. Soza me ya têkoşînê ya ji bo gelan heye, em ê heta dawiyê li ber xwe bidin. Em ê gelên Tirkiyeyê bê HDP nehêlin."
Omer Farûk Gergerlîoglû yê HDP’yî diyar kir ku ew ê teslîm enbe û got: “Di kevneşopiya me de teslîmbûn tune ye. Em bikevin girtîgehê jî em ê bêjin divê ev al nekeve erdê.”
Hevserokê Giştî Mîthat Sancar di civîna Meclîsa HDP’ê de axivî û got: “Emê li dijî hewldanên girtina partiya xwe, nexşerêyekê diyar bikin. Bi hêza ku me ji qadên Newrozê girt, em ê heya dawiyê HDP’ê biparêzin.”
Rêxistina HDP'ê, piştî bi zanyaran re civîn li dar xist, encamnameya "Hevditina Heq, Edalet û Wîcdan" bi raya giştî re parvekir. HDP'ê di encamnameyê de destnîşan kir ku ji bo “edaletê” pêdivî bi têkoşînek hevpar re heye û bang li her kesî kir ku tev li vê têkoşîna hevpar bibin.
Hevseroka Giştî ya HDP’ê Pervîn Buldan, berî civîna Meclîsa Jinê ya HDP’ê daxuyanî da û got: “Hemû nirxên heyîn, bi talana serdestiya zilamê tetîkêş tên hilweşandin. Bi taybetî jinan di 8’ê Aadarê û Newrozê de peyama ‘em natirsin, em naqûtifin, em nayin girtin’” dan.
Berdevka HDP’ê Ebrû Gunay, di civîna çapemeniyê ya li Meclîsê li darxist de, derbarê hevdîtina bi telefonê ya duh di navbera Rêberê PKK’ê Abdullah Ocalan û birayê wî pêk hat de axivî û pirsa “gelo li Îmraliyê çi diqewime?” ji hikumetê kir.
Hevseroka Giştî ya HDP’ê Pervîn Bûldan di civîna li gel alimên oldar de axivî û got: “Edalet ruh û cewhera Îslamê ye. Îro pirsgirêka herî zêde em pê re rûbirû mane jî bêedaletî ye. Li her bihostê bêedaletî heye û bêdaletiyê her dever dorpêç kiriye.”
HDP’ê, Serokê Delegasyona Tirkiyeyê yê YE’yê Nikolaus Meyer-Landrut li meqamê wî ziyaret kir.
KCD, DBP, TJA û HDP’ê diyar kir ku di Newrozê de bi milyonan kesên daketin qadan li dijî êrişên AKP-MHP’ê gotin “em li vir in” û bi milyonan kes daxwaza azadiya Ocalan kirin.
Parlamenterê HDP'ê Omer Faruk Gergerlîoglu ku wekîltiya wî hat betalkirin û Serdozgriya Komarê ya Engeqerê xwest di nava 10 rojan de teslîm bibe, diyar kir ku ev yek li dijî hiqûqê ye û ew teslîm nabe û got: "Ez ê heta dawî li ber xwe bidim. Ku tên dibin jî bila werin bibin. Ez li vir im."
Hevberdevkê HDK’ê Sedat Şengolû, diyar kir ku bi milyonan mirovên beşdarî pîrozbahiyên Newrozê bûn, rûyê ronahiya Tirkiyeyê derxistin holê û got: “Di Newrozê de gel, hêz û rola çareseriyê ya Birêz Ocalan cardin nîşan da.”
Serokê Giştî yê TÎP'ê Erkan Baş, li meclîsê civîna çapeimeniyê li dar xist û anî ziman ku HDP û Gergerlîoglu ne bi tenê ye û wiha got: “Gel HDP ava kiriye. HDP bi îdeanameya Qesrê nayê girtin."