Parêzvanên mafên mirovan û rewşenbîrên ku bi hêvî ji merasîma şewitandina çekan a Koma Aştî û Civaka Demokratîk derketin, destnîşan kirin ku hemû beşên civakê ji bo serkeftina pêvajoyê berpirsiyar in.
Rêvebira Meclisa DEM Partiyê Salîha Aydenîz diyar kir ku şewata çekan “destpêka têkoşîneke nû ye” û divê gavên ji bo temînata perwerdehiya bi zimanê dayikê, xurtkirina rêveberiyên herêmî, wekheviya hemwelatîbûnê bên avêtin.
Ahmet Faruk Unsal diyar kir ku Abdullah Ocalan gava din a ji jina û pê ve wekî avakirina bingeheke siyaseta demokratîk pênase kiriye û got: "Ji bo vê yekê, divê hin sererastkirinên qanûnî û destûrî werin çêkirin."
Ji bo girtiyê nexweş Mehmet Emîn Çam ê ku di girtîgehê de du caran qeyrana dil derbas kir, serlêdaneke nû hate kirin. Keça Çam Şîmel Çam got: “Em her roj bi tirsa wergirtina nûçeyên xirab dijîn.”
Nivîskar Mehmet Karakûş li ser merasîma dîrokî ya Koma Aştî û Civaka Demokratîk got: "Divê dewlet gelek guhertinên destûrî û qanûnî bike. Pêdivî bi reformeke berfireh a qanûnî heye. Ger ev were kirin, pêvajo dê pêş bikeve."
Li Şirnexê sazî û nûnerên partiyên ku beşdarî “Hevdîtinên Aştî û Demokratîk” bûbû, gotin “Du fikarên bingehîn hene, yek jê gavneavtîna dewletê ye, ya duyemîn mercên Rêbertiyê de guhertineke cidî tune.”
Serokê YNK’ê Bafil Talebanî destnîşan kir ku biryara PKK'ê ya ji bo destpêkirina serdemeke nû ya bi rêya diyalog û aştiyê, gavekî dîrokî ye û got ku ev yek rasterast bandor li ser aramiya Herêma Kurdistanê bike.
Wezîrê Dadê Yilmaz Tûnç bal kişand ser merasîma gerîla ya îmhakirina çekan û got: “Îro yek ji wan rojane ku nayê jibîrkirin. Ji niha şûn ve ji bo pêvajoyê gelek tişt hene ku em bikin.”
Hevseroka KCK’ê Besê Hozat ku pêşengî ji merasîma çekberdanê ya Koma Aştî û Civaka Demokratîk kir got, “Çek êdî ne astengî ne." Hozat îşaret bi derbasbûna siyaseta demokratîk kir û ji bo dewama pêvajoyê peyama, “Êdî dora aliyê din e” da.
Hevserokên DEM Partiyê daxuyandin ku merasîma îmhakirina çekan a PKK'ê vexwendinek ji bo jiyaneke demokratîk û azad e û wiha axivîn: "Niha dem hatiye ku em bi hev re qanûnan çêbikin û bi siyaseta demokratîk ber bi Tirkiyeyeke demokratîk ve gavan bavêjin."
Berdana Salih Erdemê ku 30 sal in girtî ye cara duyan hat taloqkirin.
Serokê Giştî yê Partiya Gelecekê Ahmet Davûtoglû der barê merasîma îmhakirina çekan a PKK’ê de wiha got: “Tişta ku divê em bikin ew e ku pêşengiya vê serdemê bikin.” Serokê Giştî yê DEVA’yê Alî Babacan jî merasîmê bi dilşadî pêşwazî kir.
Serokkomarê AKP’î Erdogan têkildarî merasîma îmhakirina çekan a PKK’ê wiha got: “Ez hêvî dikim ku di rêya ber bi armanca me ve diçe de gava girîng a îro hate avêtin bibe wesîleya xêrê.”
Midûrê Karên Nivîsan ê Kovara Lemanê Aslan Ozdemîr li Balafirgeha Stenbolê hate binçavkirin.