NAVENDA NÛÇEYAN - Rêxistinên pîşeyî yên rojnamegeran bi metnekê hevpar xwestin ku rojnameger Furkan Karabay ê ji ber xebatên rojnamegeriyê hatiye girtin, were berdan. 

 

Rêxistinên pîşeyî yên rojnamegeran, têkildarî rojnameger Furkan Karabay ku bi hinceta parvekirinên li ser medyaya dijîtal û xebatên pîşeyî di 15’ê Gulanê de hatibû girtin, daxuyanî dan. 17 rêxistinên pîşeyî metna hevpar îmze kirin. Di daxuyaniyê de hate gotin ku Karabay bi îdiayên “Peywirdarên cemaweriyê hedef nîşan daye” û “heqareta li serokkomar” hatiye girtin û ji 6 salan heta 15 salan cezayê hefsê jê re tê xwestin. Hat bibîrxistin ku Karabay di demên berê de jî bi heman hincetan 2 caran hatiye girtin. 

 

Bi domdarî hate gotin ku Karabay ev 3 meh in bi awayekî derhiqûqî girtî ye, nabe ku xebatên rojnamegeriyê û rexne weke sûc were dîtin û banga berdana Furkan Karabay hate kirin. Her wiha bang li rayedarên dewletê hate kirin ku 17 rojnamegerên din ên girtî jî bên berdan. 

 

RÊXISTINÊN METN ÎMZE KIRIN 

 

* Enstîtuya Çapemeniyê ya Navneteweyî (IPI) 

 

* Navenda Azadiya Çapemenî û Medyayê ya Ewropayê (ECPMF)

 

* Federasyona Rojnamegeran a Ewropayê (EFJ)

 

* Komeleya Rojnamegeran a Dîcle Firatê (DFG)

 

* Komîteya Parastina Rojnamegeran (CPJ)

 

* Rêxistina Medyayê Başûrê Rojhilatê Ewropayê (SEEMO)

 

* IFEX

 

* Komeleya Medya û Xebatên Hiqûqê (MLSA)

 

* Komîteya Helsînkî ya Norweçê

 

* PEN Amerîka

 

* PEN Swêd 

 

* PEN Danîmarka

 

* PEN Norweç

 

* Komeleya Rojnamegeriyê ya Serbixwe a Punto24 (P24)

 

* Rojnamegerên Sînornenas (RSF)

 

* Federasyona Rojnamegeran a Navneteweyî (IFJ)

 

* PENa Navneteweyî