ENQERE - Endamên komîsyonê yên DEM Partiyê diyar kirin ku pêşniyarên serokên meclisê yên berê û yên serokên baroyan ji bo wan biqîmet in û gotin: “Em ji bîr nekin ku cihêrengiya me dewlemendiya me ye; zimanê dayikê yê her yekî ji me divê zimanê aştiyê be.”
Endamên Komîsyona Hevgirtina Neteweyî, Xwişk-Biratî û Demokrasiyê yên DEM Partiyê, têkildarî civînên komîsyonê yên 6’emîn û 7’emîn ên di 27-28’ê Tebaxê de hatin lidarxistin, daxuyanî dan.
Di daxuyaniyê de wiha hate gotin: “Di çarçoveya çareseriya demokratîk a pirsgirêkeke bi vî rengî dîrokî de gavên bêne avêtin wê bi tenê bi endamên komîsyonê sînordar nebe, haya me ji vê heye. Em bi bawer û biryar in ku tevkariyên em li bendê ne wê avakirina sîstemeke ji serweriya hiqûq û demokrasiyê xurt bike.
Di pênasekirin û pêşniyarên serokên baroyan ên li ser karê komîsyonê de hin cudahî hebin jî hêviya me ji Yekitiya Baroyan û hemû baroyên ku li komîsyonê axivîn û hatin guhdarîkirin ew e ku tevkariyên pêwîst li sererastkirinên qanûnî bikin. Di çarçoveya çareseriya demokratîk a vê pirsgirêka dîrokî de gavên bêne avêtin wê tenê bi endamên komîsyonê bi sînor nemînin, haya me ji vê yekê heye. Em bawer in û bi biryar in ku tevkariyên em li bendê ne wê avakirina sîstemeke ji serweriya hiqûqê û demokrasiyê xurt bike.
PÊŞNIYAR JI BO ME BIQÎMET IN
Pêşniyarên serokên Meclisê yên berê yên weke; pêkanîna edaleta dema derbasbûnê, guhertina Qanûna Înfazê, xurtkirina azadiya îfadeyê, rakirina qanûnên ku rê dide pêkanînên qeyûman, bicihanîna biryarên Dadgeha Mafên Mirovan a Ewropayê û mafê hêviyê, pêkanîna biryarên Dadgeha Destûra Bingehîn, berfirehkirina pênaseya welatîbûnê û sererastkirinên li ser bingeha welatîbûna wekhev, hêja ne. Ev nêzîkatî di asteke dîrokî de hêja ye ku pirsgirêka Kurd bi feraseta pirsgirêka ewlekariyê neyê nirxandin, sedemên bingehîn ên pirsgirêkê ji holê bêne rakirin û atmosfereke çareseriya demokratîk bê afirandin.
DIVÊ ZIMANÊ DAYIKÊ YÊ HER YEK JI ME ZIMANÊ AŞTIYÊ BE
Kurteencama guhdarîkirinên du rojên dawî ji bo me ev e; di çarçoveya aqlê çareseriyê û hestê fêhmkirina ji hev, ji bo paşerojeke wekhev, adil, azad, demokratîk a gelên welêt hewldan bê kirin û zimanek li gorî wê bê bikaranîn. Em ji bîr nekin ku cihêrengiya me dewlemendiya me ye; zimanê dayikê yê her yekî ji me divê zimanê aştiyê be."