* Endama Lijneya Rêveber a ÎHD'ê Vetha Aydinê diyar kir ku wan ji komîsyonê re ragihandiye ku divê sererastkirinên qanûnî ji bo jiholêrakirina binpêkirinan, bi taybetî yên der barê "mafê hêviyê" de werin çêkirin û divê hevdîtin bi Abdullah Ocalan re were kirin.
* Serokê PSAKD’ê Cûma Erçe diyar kir ku aştî ji bo vî welatî pêwîstiyeke derengmayî ye û got: "Mesele guhertina ferasetê ye. Ger aştiyeke rastîn bê nîqaşkirin, divê Abdullah Ocalan û hemû girtiyên siyasî serbest bên berdan."
* Rojnamevan Azad Altay bi belgefîlma xwe ya "Bîra Sûrê" îşaret bi rûxandin û polîtîkaya bêbîrhiştinê yên piştî qedexeya derketina derve ya li navçeya dîrokî ya Sûrê pêk hatin, dike.
* Malbata Êzdî Erkîş ku piştî ji ber zextên siyasî ji Êlihê koçî Almanyayê kir, milkê wan ji aliyê cîranên wan ve hatin desteserkirin, 13 sal in ji bo erdên xwe bi dest bixin têdikoşin.
* Hevserokê KURDÎGEH'ê Mesût Kertîş diyar kir ku ew astengkirina axaftina bi kurdî ji aliyê komîsyonê ve qebûl naakin û got: "Dema ku hûn ziman qebûl nekin, ev tê wê wateyê ku hûn tu aştiyê jî qebûl nakin."
* Hevseroka Giştî ya OHD'ê Ekîn Yeter Morayê diyar kir ku ji bo çareseriya demokratîk a meseleya Kurd divê komîsyona meclisê guh bide Abdullah Ocalan û got ku di şert û mercên tecrîda li Îmraliyê de tu guhertin çênebûye.
* Şîrketa kîmyewî ya bi navê Derkîm Polîuretan ku dixwaze li navçeya Basayê bîreke sondajê ya nû veke, bi vê xebata xwe dê texrîbata xwezayê ya li herêmê zêdetir bike. Hat zanîn ku li herêmê 2 quleyên “sondajên xwecihî” yên nû hatine avakirin.
* Li Êlihê dê bi boneya 1’ê Îlonê Roja Aştiyê ya Cîhanê meş were lidarxistin û “Kursiya Aştiyê” bê danîn.
*Çetîn Yildiz ê DEM Partiyî diyar kir ku xebatên mitînga Stenbolê ku dê bi boneya 1’ê Îlonê û bi dirûşma “Ji bo civaka demokratîk deng bide aştiyê” were lidarxistin didomin û banga tevlibûnê li her kesî kir.
* Li dijî xutbeyên Diyanetê ku destkeftiyên jinan hedef digirin, dê li Stenbol û Amedê daxuyanî bên dayin. (14.00)
* Şaxa Egîtîm Senê ya Şirnexê dê li dijî zexta sîxûrtiyê ya polîs li xwendekaran ferz dikin, li avahiya şaxê daxuyaniyê bide. (16.00)
* Bi boneya 1’ê Îlonê Roja Aştiyê ya Cîhanê dê li gelek bajaran çalakî bên lidarxistin. (17.00-19.30)