Kampanya "Tu bi xêr nehat Erdogan/Not Welcome Erdogan" her ku diçe mezin dibe. Li Almanyayê ji bo prostestokirina serokkomar û Serokê AKP'ê Tayyip Erdogan, ADEF, ATÎK, Jina Nû û YDG banga tevlibûnên girseyî li gelê Kurd û derdorên demokrat kir. Sazumankarê Înîsiyatifa "Not Welcome Erdogan" Yuksel Koç, diyar kir ku gelê Alman ji sedî 80 Erdogan naxwaze û kampanya mezin dibe.
Li bajarê Farbaybê yê Afganistanê di êrîşa bombeyî de herî kêm 8 zarok hatin kuştin.
Li başûrê rojava yê Îranê di merasîmeke leşkerî de êrîş pêk hat. Li gorî agahiyan 8 eskerên îranê hatin kuştin û 50 esker jî birîndar bûn.
Li Tanzanya keştiya ku 400 rêwiyên wê hebûn noqî avê bû. Di keştiyê de 42 kesan jiyana xwe ji dest da. Tê diyar kirin ku dibe hêjmara miriyan 200 kesan derbas bike.
Li Ganayê, ava Bendava Bagrê ya li Bûrkîna Fasoyê rabû. Di lehiyê de herî kêm 34 welatiyan jiyana xwe ji dest dan.
Rûsyayê derbarê balafira wan a duh winda bû de daxuyanî da û got: “Sûriyeyê balafira me xist. Sedema vê jî Îsraîle.”
Serokê AKP'ê Tayyip Erdogan û Serokdewletê Rûsyayê Vladîmir Putin dê sibê roja duşemê li bajarê Soçî yê Rûsyayê bên cem hev. Tê gotin ku dê li ser rewşa Idlibê niqaş bikin.
Li Sûdana Başûr balafira rêwiyan a 22 kes tê de bûn ket û herî kêm 17 kesan jiyana xwe ji dest dan.
Piştî zîrveya Tahranê, Serokê Îranê Ruhanî, Serokê Rûsya Putin û Serokomar Erdogan bi hevre daxuyanî dan. Putîn, got: "Komên dawî yên terorîstan niha li Idlibê ne." Ruhanî jî got: "Em dê piştgiriyê bidin vîna mîlîtanên li Sûriyeyê." Serokomarê Tirkiye Erdogan jî got: "Ger ku agirbest bê îlankirin dê ji bo zîrveyê serkeftinek mezin be."
Ciwanên azad li Ewropa ji bo azadiya Rêberê PKK'ê Abdullah Ocalan dest bi meşa dirêj kirin.
Şaredariya Wiesbaden a Almanya peykerê Serokomarê Tirkiye Tayyip Erdogna ê ku li Wiesbadenê hatibû çikilandin rakir.
Wezareta Parastinê ya Rûsya parast ku DYA, Îngînîstan û Firansa, bi hinceta hêzên hikûmeta Sûriye çekên kîmyewî bikar anîne, xwe amade dike ku ji nûve li Sûriye bixe.
Nûnerê Taybet ê Sûriyê yê Neteweyên Yekbûyî (NY) Staffan De Mîstûra Rûsya, Îran û Tirkiye vexwende hevditinên li Cenevreyê ku di 11 û 12’ê Îlonê de pêk bê.
Li Bajarê Trappes yê Firansayê 2 kes di êrîşê de hatin kuştin. Reutersê diyar kir ku endamên DAIŞ'ê bûyer daye ser xwe.
Berdevkê Kremlîn Dmîtrî Peskov, têkildarê Zîrveya Sêyemîn a ji bo çareserkirina krîza Sûriyeyê ya dinavbera serokên Tirkiye, Rûsya û Îranê dê pêk werê de, daxuyanî da û diyar kir ku ji bo zirve di destpêka meha Îlonê de bê lidarxistin, xebatên wan berdewam dikin.