* Hevserokê KCD'ê Berdan Ozturk diyar kir ku texrîbkirina xwezayê û şer yekser pêwendîdar in û got ku çavkaniya vê yekê jî tecrîda li Îmraliyê ye. 

 

* Amediyên ku bal kişandin ser qirkirina daristanan bang kirin ku divê her kes tev li Meşa Cûdî bibe ku dê sibe li dijî talankirina xwezayê bê lidarxistin.  

 

* Rojnameger Mervan Ozdemîr diyar kir ku ji faktorên ku aloziya li Iraqê kûr dikin yek jê jî hevkariya Tirkiye û PDK'ê û got ku rizgariya Iraqê bi xwerêveberiya gelan û rêya sêyemîn pêkan e.

 

* Ciwanên enternasyonalîst ên li Almanyayê beşdarî meşa ji bo azadiya fîzîkî ya Rêberê PKK’ê Abdullah Ocalan bûn gotin: “Êdî dem dema azadiyê ye. Ji niha û pê ve divê em ji xeynî tu tiştî qebûl nekin.

 

* Serokê Giştî yê ÎHD’ê Ozturk Turkdogan diyar kir ku ji bo sepanên li Îmraliyê bingeheke qanûnî ya li ser axaftin bê kirin nemaye û wiha got: “Heke Tirkiye bersivê nede, ji bo ku Komîteya Wezîran a Konseya Ewropayê mafê hêviyê di rojeva xwe de bihêle dê bikevin nava hewldanan. 

 

* Çalakiya Nobeta Edaletê ya malbata Şenyaşar di roja 557’an de berdewam dike. 

 

* Doza Komkujiya Dedeogûllari ku di 12’ê gulanê de hatibû kirin û 7 kes hatibûn qetilkirin dê li 8’emîn Dadgeha Cezayên Giran a Konyayê bê dîtin. (09.00) 

 

* Doza derheqê Hevberdevka Lijneya Rêveberiyên Herêmî yên Demokratîk a HDP’ê Halîde Turkoglû de hatibû vekirin îro dê li 10’emîn Dadgeha Cezayên Giran a Amedê bê dîtin. (09.00-17.00)

 

* Doza derheqê Hevserokê Giştî yê HDP’ê Selahattîn Demîrtaş de bi sedema “hedef nîşandanê” hatiye vekirin dê li 25’emîn Dadgeha Cezayên Giran a Enqereyê were dîtin. (10.00)

 

* Hevserokê Giştî yê HDP’ê Mîthat Sancar dê bi tevlibûna parlamenterên herêmê re li navçeya Qereçoban a Erziromê beşdarî avêtina hîm û vekirinê bibe. (10.00)

 

* Dê bi pêşengtiya DFG û MKGD’ê li Amed, Mêrsîn, Stenbol, Riha, Enqere û Wanê çalakî bên lidarxistin û ji 16 rojnamegerên girtî re name, qert û pirtûk bên şandin. (10.00-15.00) CANLI

 

* Şandeya HDP’ê li Çewlik û navçeya Bongilanê dê biçe serdana esnafan. (10.00-17.00) 

 

* Welatiyên ku dê ji Îzmîrê beşdarî Meşa Cûdî ya li Şirnexê bibin dê li pêşiya avahiya HDP’ê ya bajar daxuyaniyê bidin û bi rê kevin. (11.00)

 

* OHD, ÎHD û Baroya Amedê dê têkildarî girtiyên nexweş li pêşiya edliyeyê daxuyaniyê bidin. (12.30) 

 

* Lijneya Koordînasyona Bajêr a Amedê TMMOB, li Taxa Fabrîka ku qeyûmê Şaredariya Yenîşehîrê dê bifiroşe dê civîna gel li dar bixe. (13.30)

 

* Doza JÎTEM’ê ya têkildarî înfazkirina 19 kesên li Enqereyê û bajarên derdorê dê li 1’emîn Dadgeha Cezayê Giran a Enqereyê bê dîtin. (14.00)

 

* Fînala Tirkiyeyê ya 3’yemîn Tûrnûvaya Fûtbolê ya Kevneşopî ya Kemal Korkût a ji aliyê Meclîsa Ciwanan a HDP’ê ve tê organîzekirin wê li Silopiyayê dest pê bike. (18.00)