
Mafê tedawiya Zeyneb Celaliyan tê astengkirin

2025-05-17 13:37:17


	&nbsp;

	NAVENDA NÛÇEYAN – Komeleya Mafê Mirovan a Herena, diyar kir ku mafê tedawiya Zeyneb Celaliyan ji hêla rayedarên girtîgehê ve tê astengkirin.

	&nbsp;

	Komeleya Mafê Mirovan a Herena, der barê tenduristiya girtiya sîyasî ya Kurd Zeyneb Celaliyan a ku li Girtîgeha Yezîdê ye daxuyanî da. Di daxuyaniyê de hate gotin Zeyneb Celaliyan ji çav, gurçik û mîdeyê nexweş e û ji hêla rayedarên girtîgehê ve tedawiya wê tê astengkirin.&nbsp;

	&nbsp;

	Zeyneb Celaliyan, di sala 1982’an de li bajarê Mako yê Urmiye ya Rojhilatê Kurdistanê ji dayik bûye. Di sala 2008’an de li Kirmanşanê bi hinceta “teşebusa li hember ewlehiya neteweyî û li hemberî xwedê şer” ve hate dîlgirtin û cezaya îdamê ji bo wê hate dayin. Piştre Dadgeha Temyîz a Îranê cezaya îdamê daxist a muebetê.

	&nbsp;

	Zeyneb Celaliyan a ku 17 sal e girtî ye, jina yekem a girtiya sîyasî ye ku Îranê cezayê muebetê dayê.&nbsp;

	&nbsp;