
Serlêdana girtiyê ku 2 saetan îşkence lê hat kirin hat redkirin 

2023-01-28 09:02:09


	&nbsp;

	AGIRÎ - Li Girtîgeha Panosê ya Tîpa L'yê gava girtî Zulkuf Kaya çûbû revîrê, 20 gardiyanan êrişî wî kiribûn û 2 saetan îşkence lê kiribûn. Giliya ji bo vê îşkenceyê bi îdiaya "delîl kêm in" hat redkirin.&nbsp;

	&nbsp;

	Li Girtîgeha Panosê ya Agiriyê ya Tîpa L'yê, gava girtî Zulkuf Kaya çûbû revîrê, 20 gardiyanan êrişî wî kiribûn û 2 saetan îşkence lê kirbûn. Giliya der barê vê îşkenceyê de ji aliyê Serdozgeriya Komarê ya Panosê û Dadgeriya Ceza ya Sulhê ya Panosê ve hat redkirin. Dozgerî û dadgeriyê îdia kirin ku tu tiştekî ku bibe sedema lêpirsîna der barê personelên girtîgehê de tune ye û biryara "neşopandinê" dan.&nbsp;

	&nbsp;

	Sertaç Çelîkkalelî, parêzerê Zulkuf Kaya di giliya kiriye de diyar kiriye ku muwekîlê wî di 21'ê Hezîrana 2022'yan de ji ser hişê xwe ve çûye.&nbsp;

	&nbsp;

	2 SAETAN ÎŞKENCE LÊ KIRINE

	&nbsp;

	Çelîkkalelî di serlêdanê de gotiye: "Piştî vê muwekîl birine revîrê. Li vir gardiyanan ji muwekîl re gotiye 'tu mexsûs wiha dikî' û nehiştine bijîşk wî muayene bike. Gava muwekîl jî xwestiya mafê xwe yê tenduristiyê biparêze, 20 gardiyanan li ber çavê bijîîk 2 saetan li îşkence lê kirine. Gardiyanan qîma xw ebi vê jî neaniye. Ji bo îşkenceya li muwekîl kirine şekre nebe, nehiştine bijîîk wî tedawî bike û wî birine qawîşê. Hevalên wî yên li qawîşê hemû şahid in ku îşkence lê hatiye kirin."&nbsp;

	&nbsp;

	ÎDIAYA 'DELÎL KÊM IN!'

	&nbsp;

	Lê belê giliya Çelîkkalelî ya li Serdozgeriya Komarê ya Panosê û Dadgeriya Ceza ya Sulhê ya Panosê bi îdiaya "delîl kêm in" hat redkirin biryara "neşopandinê" hat dayîn.&nbsp;

	&nbsp;

	ÇI QEWIMÎBÛ?

	&nbsp;

	Li Girtîgeha Panosê ya Tîpa L'yê, di 21'ê Hezîrana 2022'yan de gava girtî Zulkuf Kaya çûye revîrê, 20 gardiyan tam 2 saetan îşkence lê kirine. Kaya, vê yekê bi rêya telefonê ragihandibû malbata xwe û gotibû: "Bila her kes zanibe ku li Girtîgeha Panosê îşkence û zilm heye. Di 21'ê Hezîranê de gava min birin revî, 20 gardiyanan îşkence li min kirin. Ev îşkence li ber çavê bijîşkê revîrê hat kirin. Ez dixwazim parêzer bên girtîgehê."&nbsp;

	&nbsp;

	Piştî vê îşkenceyê Kaya ji Girtîgeha Panosê ya Tîpa L'yê sirgûnî Girtîgeha Erzinganê ya Tîpa T'yê hatibû kirin.&nbsp;