
Malbat û vasiyê Ocalan ji bo hevdîtinê serlêdan kirin 

2022-06-24 12:54:48


	&nbsp;

	STENBOL - Malbat û vasiyê Ocalan, bi daxwaza hevdîtinê serî li Serdozgeriya Komarê ya Bûrsayê û Miduriyeta Girtîgeha Îmraliyê dan.&nbsp;

	&nbsp;

	&nbsp;Rêberê PKK’ê Abdullah Ocalan li Girtîgeha Tîpa F a Ewlehiya Bilind a Îmraliyê di bin şert û mercên giran ên tecrîdê tê girtin. Birayê Ocalan Mehmet Ocalan, vasiyê Ocalan Mazlûm Dînç û birayê Omer Harî Konar Alî Konar, birayê Hamîlî Yildirim Polat Yildirim û xwişka Veysî Aktaş Melîhe Çetîn ku ew jî li cem Ocalan girtî ne, bi daxwaza hevdîtinê serî li Serdozgeriya Komarê ya Bûrsayê dan.&nbsp;

	&nbsp;

	Malbatan bi rêya Serdozgeriya Komarê ya Bûrsayê serî li Miduriyeta Girtîgeha Îmraliyê jî dan.&nbsp;

	&nbsp;

	SERLÊDAN NAYÊN BERSIVANDIN

	&nbsp;

	Parêzerên Ocalan ji bo hevdîtina bi muwekîlê xwe re, di nava hefteyê de du caran serî li cihên pêwendîdar didin lê belê bersiveke erênî yan jî neyînî nayê dayîn. Ji ber vê yekê, di 22’yê mijdara sala 2021’an de bi daxwaza “hevdîtina lezgîn”, serî li Dadgeriya Înfaza Cezayê ya Bûrsayê dan. Dadgeriyê di bersiva xwe de diyar kir ku di 12’ê cotmeha 2021’an de li Ocalan ji bo 6 mehan cezayê hevdîtinê hatiye birîn û di 18’ê tebaxê de jî 3 mehan cezayê qedexeya hevdîtina bi malbatê re hatiye dayîn. Dadgeriyê, bi van hincetan serlêdana parêzeran red kir. Lê derheqê biryarên weke hinceta qedexeyê hatine nîşandin de tu agahî bi parêzeran re parve nekir.&nbsp;

	&nbsp;

	HERÎ DAWÎ DI 25’Ê ADARÊ DE BI TELEFONÊ PÊ RE AXIFTIBÛN

	&nbsp;

	Ji parêzerên Ocalan, Rezan Sarica û Newroz Uysal piştî 8 salan, di 2-22’yê gulanê de, di 12-18’ê hezîranê de û di 7’ê tebaxa sala 2019’an de karîbûn bi muwekîlê xwe re hevdîtinê bikin. Ocalan, yekemîn car karîbû di 27’ê nîsana 2020’an de mafê xwe yê telefonê bi kar bîne. Ji ber ku fikarên raya giştî yên derheqê Ocalan de zêde bûbûn, di 25’ê adarê de li ser telefonê bi birayê xwe Mehmet Ocalan re hevdîtin kiribû. Mehmet Ocalan, dabû zanîn ku axaftina wan di nivî de hatiye

	&nbsp;